...wo d'scheisse ziehmlech g'chochet het, bini ufem soz g'landet u ha sofort ä persönlichi sekretärin übercho, nach äs par heikle g'spräch het si my wider chly stabilisiert... u i ha so zuere gseit, i wet eifach wider öppis mache, aber nid im sinn vo ga d'strasse wüsche oder chüble läärä, mit mire schlummernde kreaktivität öppis mache... bim nächschte träff hetsi g'seit, i söll mau bim *apart* ga luege, das chönnt doch no öppis sii für my... ... afang jänner '10 hani dert aagfange... nach fasch 30 jahr säubständig, isches scho chly komisch gsieh... ha dr stefan u dr bruno lehre kenne u ha momänte mit ganz spezielle mönsche dörfe erläbä, krass di verschidene gschichte u flüchtig intensive gspräch... am aafang heisimer gseit wasi söll mache u weni säuber ä furz im hirni ha ghah heisi mir g'holfe u ha viu chönne lehre...

...ä oschterhas hani
sölle mache, mit ton
isch's nid so worde...

...aber mit armirigsise,
ja ok nid würklech äs kunschtwärk, aber äs
hetmi scho chly entwicklet...

...woni im böss uf oberhofe, amene verschiffete donschtig, plötzlech zwöi wunderbar strahlendi ouge ha gseh, u scho isch si usgtige, u i ha nidemau gmerkt a welere hautstell das isch gsieh...
... am nächschte tag
sägeni zum bruno,
i wet äs blüemli
mache ... vilicht
gsehse ja widermau...
...ha eis gmacht u
has meh aus ä monet
immer bimer gha...
...si het's g'no...
...i ha aber nid i
ires läbä passt...

... dr alain im statiöndli het das natürlech o mitübercho u my g'fragt obi o chönnti röseli mache...

i ha äs pari gmacht, si aber nid zum deal cho... ha när us de blächräschte no ä vase zämäbrätlet...

... ä mir namentlech nid bekannti chundin vom apart het du fasch aues woni no gmacht ha kouft isch fasch wines chind verliere...

...mini version vom
wm-ball... öppe glych
roschtig wi üsi nati...





... pralell hani mir z'oberhofe säuber äs budeli aafa ufboue... ha mit blächräschtä usem autise, probiert ä vase zämä z'brätlä wo nid rünnt... ischmer nid g'lunge, aber mit blächblüemli funktioniertsi...

...u im apart hani
witer g'chügelet...
... z'flache eggige,
uf z'runde z'bringe...
... das erlister z'hirni...

...z'veloboot isch o ä
cooli erfahrig... scho
nume zwöi glichgrosi
sörfbrätter z'finde,
fasch nid müglech...
... aber bi emu scho
ufem wasser gsieh...
... we z'wasser wider
chly wermer isch boueni
witer... grins...

... z'ziel währi, mitem velo u boot, vo oberhofe uf brienz a z'rockfescht...